Një 38-vjeçar shqiptar ka ndërruar jetë në Milano, pas disa ditësh në gjendje kritike, si pasojë e një aksidenti rrugor në të cilin u përfshi gjatë një ndjekjeje nga policia.
Ngjarja ndodhi në mbrëmjen e një dite të fundit në zonën Tre Cancelli, ku forcat e rendit vunë re dy makina që po lëviznin me shpejtësi të lartë dhe nisën ndjekjen e tyre.
Një prej automjeteve u ndal pak më vonë, ndërsa makina tjetër u drejtua në një rrugë të pashtruar dhe u përplas me një shtyllë telefoni, duke humbur kontrollin dhe përmbysur.
Shoferi i makinës, 38-vjeçari shqiptar, pësoi plagë të rënda dhe më pas ndërroi jetë në spital. Gjatë kontrollit të automjetit, policia gjeti një sasi prej 25 kilogramësh kokainë.
