Përmbytje masive kanë ndodhur ditët e fundit në Australi, ku të paktën 5 persona kanë humbur jetën dhe qindra të tjerë kanë mbetur pa banesa.
Katastrofa natyrore u regjistrua në pjesën juglindore të vendit, duke shkatërruar mbi 10 mijë prona, shtëpi, biznese e ambiente.
“Vlerësimet fillestare tregojnë se të paktën 10,000 prona kanë pësuar dëme për shkak të përmbytjeve të papara”, thanë shërbimet e emergjencave në një njoftim për shtyp.
Shirat e rrëmbyeshëm shkaktuan daljen e lumenjve nga shtrati, duke përmbytur zona të gjera dhe duke u kthyer në rrezik për të paktën 50,000 banorë, shumë prej të cilëve u vendosën në çatitë e ndërtesave, ndërsa prisnin ndihmë nga ekipet e shpëtimit.
