Një person është dërguar për ndihmë mjekësore në një spital privat pas plagosjes me armë zjarri. Nga informacionet e para të policisë, rezulton se arma që u përdor ishte në pronësi të tij me leje.
Ngjarja ka ndodhur në zonën e Freskut, dhe aktualisht po hetohet nëse plagosja ka ndodhur aksidentalisht apo në kushte të tjera. Policia po vazhdon punën për të sqaruar të gjitha rrethanat e incidentit.
