Një nënë e njërit prej fëmijëve të prekur nga salmonela në kopshtin publik të Gramshit ka folur gjatë protestës para bashkisë, duke kërkuar masa për garantimin e sigurisë ushqimore.
Ajo tregoi se djali i saj po kalon prej 8 ditësh simptoma të rënda, si dhimbje barku, diarre dhe temperaturë. “Jemi në gjendje ankthi dhe shoku, dua siguri për ushqimin që konsumon fëmija im,” tha ajo.
Sipas saj, njoftimi për infektimin me salmonelë erdhi nga edukatorja e kopshtit, ndërsa në familje janë duke pritur edhe rezultatet e analizave për vajzën e tyre tjetër. Për pastrimin dhe dezinfektimin në institucion dhe spital është bërë kujdes, por shqetësimi mbetet i lartë.
