Ish deputeti i Kosovës, Gramos Agusholli u ndalua në autoritetet serbe ditën e sotme në pikën kufitare në Merdarë.
Ministria e Punëve të Jashtme dhe Diasporës së Kosovës ka reaguar në lidhje me këtë situatë dhe lajmëron se Agusholli është liruar dhe ka vazhduar rrugën e tij drejt destinacionit në Slloveni.
“MPJD do të vazhdojë të përcjellë me vëmendje çdo situatë që cenon të drejtat e qytetarëve të Republikës së Kosovës dhe i bën thirrje Bashkësisë Ndërkombëtare të reagojë ndaj Serbisë për ndalimin e praktikave të tilla represive, të cilat bien ndesh me parimet themelore të së drejtës ndërkombëtare dhe me konventat ndërkombëtare për të drejtat e njeriut”, thuhet në reagim.
Ndalohet në Serbi ish deputeti i Kosovës, reagon MPJD: Veprim arbitrar dhe represiv
