Zv.kryeministrja Belinda Balluku ditën e sotme ka inspektuar punimet në kantierin e aksit rrugor Qukës-Qafë Plloçë. Balluku u shpreh se po punohet me ty turne, si dhe projekti është drejt finales.
“Ndodhemi në lotin e tretë të rrugës Qafë-Plloç, një vepër e cila ka zgjatur për shkak të kompleksitetit gjeologjik që kemi në të gjithë këtë zonë malore, duke nisur nga hyrja dhe deri në dalje. Por edhe për shkak të faktit se projekti kur nisi në fillim ishte i padetajuar, me problematike që dolën gjatë gjithë rrugës. Rëndësi ka që tani jemi në fazën finale, jemi në më shumë se 85% të projektit në të tre fazat e tij. Po punohet me dy turne. Kantieri këtu ku ndodhemi ne po shkon shumë mirë, por pak më lart kemi problematika”, shprehet Balluku.
