Sot Kuvendi i Kosovës do të mblidhet edhe një herë me shpresën për të arritur konstituimin e legjislaturës së nëntë, pas 21 përpjekjeve që nuk dhanë rezultat.
Seanca do të nisë në orën 11:00, por sfida mbetet e njëjtë: zgjedhja e kryeparlamentarit dhe nënkryetarëve.
Lëvizja Vetëvendosje ka propozuar Albulena Haxhiun për kryetare, por partitë e tjera kërkojnë që të kandidohet një emër që të pranohet nga të gjithë.
Që prej majit, pas një takimi të organizuar nga presidentja Vjosa Osmani, nuk është arritur ndonjë marrëveshje e qartë, por ka shenja se palët duan të gjejnë një rrugëdalje.
Për momentin, konstituimi i Kuvendit mbetet një pengesë për krijimin e Qeverisë së re.
