Romina Kuko e cila kandidoi në listën e sigurt të qarkut të Korçës për Partinë Socailiste ka dhënë dorëheqjen nga detyra si zv.ministre e Brendshme.
Kuko i ka dërguar një letër kryeministrit Edi Rama dhe kryekomisionerit Ilirjan Celibashi, ku i njofton për largimin e saj nga detyra. Ajo i ka falenderuar për besimin dhe mundësinë për të shërbyer në këtë detyrë të rëndësishme.
“Në vijim të procesit zgjedhor të datës 11 maj 2025, në të cilin kandidova për deputete, dhe pas përfundimit të këtij procesi dhe kualifikimi në listën fituese, paraqes kërkesën time për lirimin nga detyra si Zëvendësministre e Brendshme.
Në këtë kuadër, paraqes dorëheqjen time nga ky funksion, duke Ju falenderuar për besimin dhe mundësinë për të shërbyer në këtë detyrë të rëndësishme”, thuhet në kërkesën e saj.
