Deputetja e Partisë Demokratike, për qarkun e Vlorës, Ina Zhupa, me anë të një postimi në faqen e saj facebook, ka shprehur ngushëllimet për vrasjen e djeshme të ish-kreut të shoqatës “Çamëria” dhe biznesmenit Rexhep Ismaili në Sarandë.
Deputetja demokrate, Ina Zhupa në postimin e saj shprehet e tronditur për ngjarjen, ndërsa thotë se PD humbi një drejtues të strukturave të saj, një kontributor të palodhur dhe një bashkëpunëtor të vyer.
Shoqata ‘Çamëria’ për vrasjen e Ismailit: Të zbardhet menjëherë, një njeri i palëkundur!
Postimi i Zhupës
E tronditur thellë nga lajmi për vrasjen e Rexhep Ismailit. Një njeri me vlera dhe një patriot i përkushtuar.
Partia Demokratike humbi një drejtues të strukturave të saj, një kontributor të palodhur dhe një bashkëpunëtor të vyer. Rexhepi drejtonte gjithashtu shoqatën “Çamëria” dhe ishte një zë i fortë në mbrojtje të kauzave kombëtare.
Kjo ngjarje e rëndë ka sjellë dhimbje dhe tronditje te të gjithë ne që e njohëm.
Pres që institucionet ligjzbatuese, Policia e Shtetit dhe Prokuroria, të veprojnë me përgjegjësi të plotë për zbardhjen sa më të shpejtë të kësaj vrasjeje dhe vendosjen e autorëve përpara drejtësisë.
Ngushëllimet më të sinqerta familjes, të afërmve dhe gjithë atyre që e njohën dhe e vlerësuan Rexhep Ismailin.
U prehtë në paqe.
