Dy të rinj kanë përfunduar në prangat e policisë në Tiranë, pas një operacioni të mirëorganizuar të koduar “Catch”. Ata ishin në kërkim për një kohë të gjatë, pasi ndaj tyre kishte vendime gjyqësore për përfshirje në aktivitet kriminal me lëndë narkotike.
Operacioni u zhvillua në bashkëpunim mes forcave operacionale dhe strukturave kundër narkotikëve, të cilat lokalizuan dhe arrestuan dy personat e dënuar.
Njëri prej tyre, 30 vjeç nga Tirana, ishte dënuar me 2 vjet e 6 muaj burg, ndërsa tjetri, 23 vjeç, kishte marrë një dënim prej 1 viti e 2 muajsh. Të dy akuzoheshin për veprën penale “prodhim dhe shitje e lëndëve narkotike”.
