Policia e Tiranës ka ndaluar L.T., 24 vjeç, i cili ishte shpallur në kërkim për mbajtje dhe tregtim të paautorizuar të armëve të ftohta, si dhe për veprën penale të kanosjes. Ai dyshohet se është përfshirë në një ngjarje të mëparshme në kryeqytet, ku edhe babai i tij, A.T., është ndaluar më parë në lidhje me të njëjtat dyshime.
Hetimet për zbardhjen e plotë të ngjarjes vazhdojnë, ndërsa Policia apelon tek qytetarët që të japin çdo informacion që mund të ndihmojë në kapjen e personave të tjerë të përfshirë.
