Në pikën kufitare të Kakavijës, policia sekuestroi 74,240 euro të fshehura në një autobus të një agjencie udhëtimi, së bashku me 15 dokumente të dyshuara të falsifikuara, përfshirë karta identiteti franceze dhe leje qëndrimi në Greqi dhe Gjermani.
Në pranga përfunduan drejtuesi i autobusit dhe një punonjës i agjencisë, ndërsa pronari i agjencisë shpallet në kërkim.
Gjithashtu, për drejtuesin tjetër të autobusit është nisur procedimi penal. Në cilësinë e provës materiale u sekuestruan edhe katër telefona celularë.
