Bashkimi Europian ka theksuar angazhimin e tij të vazhdueshëm për zgjerimin e rajonit, ku Shqipëria dhe Mali i Zi kryesojnë procesin.
Komisionerja për Zgjerim, Marta Kos, zhvilloi një seri takimesh të nivelit të lartë në Greqi, ku u siguroi mbështetje të plotë për procesin e integrimit.
Ajo theksoi se “Greqia është një partner i rëndësishëm në zgjerimin e Bashkimit Europian, duke u kufizuar me disa vende kandidate. Në Athinë, me Kryeministrin Kyriakos Mitsotakis, diskutova zhvillimet pozitive në Mal të Zi, Shqipëri, Ukrainë dhe Moldavi, si dhe rrugën e zgjerimit për Ballkanin Perëndimor”.
Kjo angazhim është konfirmuar edhe nga ministri i Jashtëm grek, Giorgos Gerapetritis, i cili e cilësoi Greqinë si një aktor kyç në përparimin e procesit të integrimit të rajonit, veçanërisht gjatë presidencës së saj të ardhshme në Këshillin e Bashkimit Europian.
