Një varkë me trupa njerëzish është gjetur në brigjet e Alaskës. Sipas mediave të huaja raportohet se anija u zhduk një vit më parë pasi Roja Bregdetare e SHBA-së pezulloi kërkimet.
Sipas një deklarate të lëshuar nga Departamenti i Sigurisë Publike i Alaskës, varka u gjet pasi tre kompani private përfshirë një që përdor pajisje për kërkim nënujor, ofruan në prill të ndihmojnë në kërkimin e familjes, e cila është me origjinë nga Teksasi.
Autoritetet thanë se varka e zhdukur së bashku me trupat u gjet në një thellësi prej 55 metrash në Gjirin Kachemak pranë Homerit. Zhytësit raportuan se nxorën trupat e tre personave nga anija e fundosur gjatë zhytjeve të martën dhe të mërkurën.
