Policia e Vlorës ka arrestuar një 33-vjeçar, me inicialet E.S., i cili dyshohet se ka kryer tre vjedhje në lagje të ndryshme të qytetit gjatë javës së fundit.
Në datën 29 maj, ai vodhi dy televizorë në lagjen “Osman Haxhiu”, ndërsa më 23 maj në lagjen “Lirim” u vodhën dy televizorë, tre laptopë dhe dy celularë nga një zyrë.
Po ashtu, më 24 maj në lagjen “28 Nëntori” është vjedhur bateria dhe disa pajisje polumbari nga një automjet, me vlerë rreth 30 mijë lekë.
Policia vijon hetimet për raste të tjera të dyshuara.
