Mbrëmjen e 31 majit, në Allianz Arena do të zhvillohet finalja e madhe e Champions League, ku përballen Paris Saint-Germain dhe Inter. Dy skuadrat janë të motivuara maksimalisht: PSG kërkon të fitojë për herë të parë në histori këtë kompeticion, ndërsa Inter synon të harrojë humbjen e finales së kaluar dhe të sjellë një trofe madhor në Milano.
Pas një sezoni sfidues në Itali, ku Interi humbi mundësitë për tituj lokalë, trajneri Simone Inzaghi ka të gjithë futbollistët në dispozicion për këtë ndeshje vendimtare. Milanezët gjithashtu synojnë të thyejnë një rekord golash në Champions League, duke tentuar të kalojnë 26 golat e shënuar deri tani në sezon, që përfaqëson rekordin e tyre më të mirë.
PSG ka kaluar një rrugëtim të vështirë këtë sezon, duke surprizuar shumë me lojën e saj dhe bashkëpunimin mes yjeve të skuadrës. Portieri Donnarumma po bën një nga sezonet më të mira në karrierë, ndërsa mbrojtja me Hakimin dhe Nuno Mendes është shumë e fortë. Në sulm, lojtarë si Kvaratskhelia dhe Dembele janë gati të bëjnë diferencën.
Kjo është përballja e parë zyrtare evropiane midis PSG-së dhe Interit, duke e bërë finale edhe më të paparashikueshme dhe emocionuese. Të dy ekipet premtojnë një ndeshje me shumë intensitet dhe spektakël, që pritet të jetë një nga më të balancuarat e viteve të fundit në Champions League.
