Binak Kabashi nga Shipoli i Mitrovicës ka ndërruar jetë sot në spital, pas plagëve të marra nga të shtënat me armë zjarri mbrëmjen e së enjtes në Podgoricë të Malit të Zi.
Ngjarja ndodhi pas një debati mes tij dhe një djali me inicialet E.B., 23 vjeç. Kabashi u dërgua në Qendrën Klinike të Malit të Zi, por fatkeqësisht nuk mundi t’i mbijetojë plagëve.
Lajmin për vdekjen e të riut e konfirmoi edhe babai i tij, Aliu, përmes një postimi në Facebook.
Policia e Malit të Zi njoftoi se autori E.B. është arrestuar në kanionin e lumit Moraça dhe po përballet me akuza për vrasje.
