Një turist 35-vjeçar nga Uellsi është plagosur rëndë pasi ra nga një lartësi mbi shkëmbinjtë në det, në plazhin Canal d’Amour në Korfuz. Ngjarja ndodhi rreth mesditës, ndërsa ai po pushonte me familjen.
Sipas dëshmitarëve, turisti i shpëtoi për pak mbytjes, falë ndihmës së notarëve që ndodheshin aty pranë. Ata e nxorën nga uji me një varkë të fryrë dhe e çuan në një zonë shkëmbore.
Zjarrfikësit ndërhynë menjëherë dhe e transportuan me ambulancë në spital për trajtim mjekësor.
