Ministri për Evropën dhe Punët e Jashtme, Igli Hasani ka zhvilluar një sërë takimesh me përfaqësues të lartë të shtetit qipriot. Hasani ka takuar presidentin e Qipros, Nikos Chritodoulides dhe theksoi se dy vendet vlerësojnë marrëdhëniet miqësore dhe të konsoliduara mes tyre.
“Shqipëria e konsideron Qipron një partner të rëndësishëm në rrugën drejt Bashkimit Evropian. Presim me interes bashkëpunimin e ngushtë gjatë Presidencës së Qipros në Këshillin e BE-së në vitin 2026″, tha Hasani.
Ata nënshkruan një memoradum mirëkuptimi ndërmjet Akademive Diplomatike të të dy vendeve për bashkëpunim në trajnimin diplomatik, me qëllim forcimin e aftësive profesionale dhe shkëmbimin institucional midis shërbimeve diplomatike.
