Prokuroria e Elbasanit ka dërguar në gjyq gjashtë policët, të cilët nuk vendosnin gjoba ndaj drejtuesve të makinave që shkelnin rregullat e qarkullimit rrugor. Policët i kapnin me shkelje por nuk i ndëshkonin.
Sipas hetimeve policët Xh.S., E.H., A.T., N.Xh., E.K., dhe B.T. akuzohen për veprat penale ‘Korrupsioni pasiv i personave që ushtrojnë funksione publike’ dhe ‘Shpërdorim detyre’.
Prokuroria pranë Gjykatës së Shkallës së Parë të Juridiksionit të Përgjithshëm Elbasan, i bën thirje shtetasve që të denoncojnë çdo lloj akti korruptiv apo abuzim me detyrën të çdo funksionari publik me qëllim vendosjen e tyre para përgjegjësisë penale.
