Një ngjarje e rëndë është regjistruar në Tiranë, ku një kamarier vetëm 15 vjeç është plagosur. Ngjarja ka ndodhur në ambientet e një picerie, ku djaloshi ishte i punësuar.
Autori i dyshuar i plagosjes është shpallur në kërkim, së bashku me administratorin e subjektit ku ndodhi ngjarja. Ndërkohë, tre punonjës të picerisë janë vënë në pranga, pasi dyshohet se kanë qenë në dijeni të ngjarjes, por nuk kanë bërë kallëzim në organet kompetente, duke penguar hetimin.
Policia ka nisur hetimet për zbardhjen e plotë të rrethanave të ngjarjes dhe kapjen e autorit.
