Një kamion që transportonte mallra ushqimore dhe pije energjike u përfshi nga flakët mbrëmjen e djeshme në Rrugën e Kombit, afër tunelit të Kalimashit. Zjarri nisi nga kabina e përparme dhe më pas u përhap në ngarkesën e automjetit, duke shkaktuar tym të dendur dhe flakë të mëdha.
Shoferi arriti të dalë nga kamioni pa lëndime, ndërsa zjarrfikësit reaguan shpejt për të kontrolluar dhe fikur zjarrin, duke penguar që flakët të përhapen më tej.
Autoritetet po hetojnë shkaqet e ngjarjes, përfshirë mundësinë e një defekti teknik apo ndonjë faktor tjetër që ka çuar në zjarr.
