Deputeti Agron Gjekmarkaj i kërkon Sali Berishës që të mos largohet nga drejtimi i PD-së pavarësisht humbjes së thellë në zgjedhjet e 11 Majit.
“Mendoj se Shqipëria pësoi një humbje. Standardet demokratike pësuan një humbje. PD luftoi që kjo mos të ndodhë që Shqipëria të ndryshojë. Sali Berisha nuk ka arsye të japë dorëheqje për sa i përket kushteve në të cilat gjendet vendi sepse ai u përball me një farsë sepse ai dha maksimunin e tij. PD bëri gjithçka.
Tani është radha edhe shoqëria të bëjë pjesën e vet. Dorëheqjen e Berishës e kërkojnë socialistët. Nuk e kërkojnë demokratët. E kërkojnë njerëz pranë qeverisë. Nuk e kërkon shoqëria. Kështu që Sali Berisha është në të drejtën e tij të udhëheq opozitën dhe mendoj do ta bëjë mirë këtë punë”, thotë Gjekmarkaj per TCH.
