Miliona koreanë të Jugut po votojnë në zgjedhjet e parakohshme të nxitura nga shkarkimi i ish-presidentit Yoon Suk Yeol. Ish presidenti u shkarkua për shkak të përpjekjes së tij të dështuar për të vendosur ligj ushtarak.
Zgjedhjet janë ndikuar nga pasojat e veprimit të shkurtër, por katastrofik të Yoon në dhjetor, i cili shkaktoi protesta përçarëse dhe muaj kaosi politik.
Presidenti i ri përballet me një vend të polarizuar, biznese të shqetësuara për tarifat amerikane dhe një aleat të paparashikueshëm si Donald Trump.
Votimet do të mbyllen në orën 20:00 sipas orës lokale (11:00 GMT) dhe rezultatet priten brenda disa orësh.
