Kryeministri i Mongolisë, Luvsannamsrain Oyun-Erdeen ka dhënë dorëheqjen pasi humbi një mocion besimi në parlament.
Erdene mori detyrën e tij në vitin 2021, dhe do të mbetet kryeministër i përkohshëm derisa të emërohet një pasardhës brenda 30 ditësh.
Ai u detyrua që të jepte dorëheqjen pasi nuk arriti të siguronte shumicën ose 64 nga 126 vendet e parlamentit. Rreth 82 ligjvënës morën pjesë në votimin e fshehtë, 44 prej të cilëve votuan për Oyun-Erdene, ndërsa 38 votuan kundër tij.
