Shërbimi i sigurisë ukrainase ka goditur katër baza ajrore ruse duke shkaktuar dëme të mëdha në flotën strategjike të aviacionit rus.
Sipas shërbimit të sigurisë ukrainase janë goditur 41 avionë, përfshirë bombardues strategjikë Tu-95 dhe Tu-22M3, si dhe një avion zbulues A-50.
Ukraina ka përdorur dronë të futur fshehurazi në territorin rus dhe të vendosur pranë bazave ajrore, brenda disa kabinave druri të montuara në kamionë.
Nga pamjet shikohen dronët që ngrihen nga kamionët dhe sulmojnë bazat ajrore, ndërsa më pas vetë kamionët shpërthejnë për të zhdukur gjurmët. Sipas burimeve ukrainase, operacioni ka shkaktuar rreth 7 miliardë dollarë dëme.