Në qytetin gjerman të Këlnit janë zbuluar tre bomba të pashpërthyera nga Lufta e Dytë Botërore. Si pasojë janë evakuar rreth 20 mijë banorë, si dhe janë lëshuar urdhra evakuimi në një spital, dy azile, nëntë shkolla dhe shumë hotele e muze.
Kryetari i bashkisë tha se ky ishte operacioni më i rëndësishëm i këtij lloji në qytet që nga fundi i Luftës së Dytë Botërore. Tre bombat janë gjetur në një lagje të frekuentuar në brigjet e lumit Rajn.
