Policia e Vlorës ka proceduar një 33-vjeçar, i cili ka prishur qetësinë publike. 33-vjeçari me iniciale A.M., ka prishur qetësinë publike duke vënë muzikë mbi normat e lejuara në lokalin e tij në Ksamil.
Gjatë verifikimeve, rezultoi se 33-vjeçari kishte punësuar në subjektin e tij disa punonjës pa i regjistruar në organet kompetente, si dhe nuk lëshonte fatura tatimore.
Drejtoria Vendore e Policisë Vlorë i bën thirrje të gjithë personave fizikë dhe juridikë që të respektojnë nivelin dhe orarin e lejuar për muzikën që gjenerojnë nga aktivitetet në subjektet e tyre.
