Policia e Fierit ka arrestuar dy vëllezër të cilët prodhonin dhe shisnin kanabis, si dhe posedonin armë zjarri.
26-vjeçari me iniciale E.SH. sapo ka parë policinë ka tentuar që të largohet me vrap, por u arrit që të arrestohet. Gjatë kontrollit fizik policia i gjeti doza kanabisi, të cilat i shiste në fshatin ku banonte.
Në cilësinë e provës materiale u sekuestruan në banesën e 26-vjeçarit dhe vëllait të tij K.Sh., 47 vjeç, 2 armë zjarri automatikë, 3 krehra, 1 thikë, doza kanabisi, 200 fara kanabisi dhe 179 fidanë kanabisi të mbjellë në kubikë.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
