Presidenti i SHBA-së, Donald Trump pak orë më parë nënshkroi një urdhër që u ndalon qytetarëve në 12 vende që të udhëtojnë në SHBA.
Duke filluar nga e hëna, më 9 qershor qytetarëve nga 12 vende do t’u ndalohet udhëtimi në SHBA: Afganistani, Mianmari, Çadi, Republika e Kongos, Guinea Ekuatoriale, Eritrea, Haiti, Irani, Libia, Somalia, Sudani dhe Jemeni.
Gjithashtu edhe shtatë vende të tjera janë nën një ndalim të pjesshëm: Burundi, Kuba, Laosi, Sierra Leone, Togo, Turkmenistani dhe Venezuela.
Trump në një mesazh video në Truth Social përmendi sulmin e fundit në Kolorado si një shembull të personave të huaj që hyjnë në SHBA pa u “verifikuar siç duhet”.
