Regjisori i mirënjohur amerikan, Martin Scorsese ka deklaruar se nuk shikon më filma në kinema, pasi sipas tij sjellja e publikut është e patolerueshme.
Ai në një bisedë me kritikun amerikan, Peter Travers, të publikuar në blogun The Travers Take u shpreh i zhgënjyer nga mungesa e respektit të publikut.
Ai ka thënë që publiku përdor telefonin, biseda gjatë filmit dhe dalje të shpeshta për ushqime si ndërprerje të vazhdueshme që e pengojnë të përjetojë artin e filmit si dikur.
Travers shkruan: “E pyeta pse nuk shkon më në kinema, dhe ai shpërtheu kundër audiencës që flet, porosit pije të mëdha, dhe krijon një zhurmë që mbulon dialogun e aktorëve.”
