Kombëtarja e Serbisë u largua nga hoteli për t’u nisur drejt stadiumit “Air Albania”, ku sonte në orën 20:45 do të luajë ndaj Shqipërisë në eliminatoret e Botërorit 2026.
Policia ka bllokuar rrugët kryesore të Tiranës dhe forcat speciale rrethuan perimetrin e stadiumit, duke vendosur edhe autobotë për shpërndarjen e turmave në rast nevoje. Siguria është maksimale për këtë përballje të tensionuar.
