Në Vlorë me 9-10 qershor do të zhvillohet konferenca e Kryetarëve të Gjykatave të Larta të Evropës Qendrore dhe Lindore, e organizuar nga Gjykata e Lartë e Shqipërisë, në bashkëpunim me CEELI Institute.
Konferenca do të përshëndetet nga presidenti Bajram Begaj, ministri i Drejtësisë, Ulsi Manja. Pjesëmarrës do të jenë mbi 20 kryetarë dhe gjyqtarë të lartë nga Evropa Qendrore dhe Lindore.
Gjithashtu do të jenë edhe përfaqësues të CEELI Institute dhe gjyqtarë nga Shtetet e Bashkuara të Amerikës. Ky forum i jep Shqipërisë një rol qendror në diskutimet mbi pavarësinë e drejtësisë, transparencën dhe standardet evropiane.
