Sot në orën 11:00 deputetët e Kosovës do të mblidhen për të 29-tën herë me shpresën që të konstituojnë Legjislaturën e re. Por, deri tani, situata duket e bllokuar dhe me pak shpresë për ndryshim.
Problemi kryesor është mungesa e propozimeve për anëtarët e komisionit zgjedhor, pa të cilin nuk mund të votohet për kryetarin e Kuvendit. Edhe pse kryesuesi Avni Dehari i ka ftuar partitë që të japin emra, nuk ka pasur lëvizje nga ana e tyre.
Kryetari i LDK-së, Lumir Abdixhiku, ka paralajmëruar se edhe sot do të përfundojë pa epilog dhe ka bërë thirrje për krijimin e një qeverie uniteti me një platformë bashkëpunimi prej 15 pikash, që do ta prezantojë së shpejti.
Situata po vazhdon të jetë e tensionuar dhe pritet të shihet nëse sot do të ketë ndonjë ndryshim apo jo.
