Kuvendi i Kosovës edhe në përpjekjen e 29-të të konstituimit dështoi. Partitë nuk ranë dakord që Albulena Haxhiu të votohet si kryetare e Kuvendit.
Disa nga forcat politike kërkojnë konsultime me forcën e parë që të arrihet një emër konsensual, por Lëvizja Vetëvendosëse thekson se caktimi i kandidatit është një e drejtë e fituar në zgjedhje.
Përballë të këtij ngërçi politik, qytetarët po humbasin durimin. Disa prej tyre, me në krye avokatin Arianit Koci, i vendosën sërish shiritin bllokues hyrjes së parlamentit, por kjo nuk u lejua nga sigurimi. Megjithatë përplasjet verbale me deputetët nuk kanë munguar.
