Nora Gjakova është kandidatja zyrtare e Federatës së Xhudos së Kosovës për Komisionin e Atletikëve të IJF në JudoWorlds që do të mbahet në Budapest.
Nora ka përfaqësuar me krenari Kosovën në tre lojëra olimpike. Ajo është medaliste e bronztë në Botëror dhe tetë herë medaliste në Evropian.
“Jemi krenarë të njoftojmë se Nora Gjakova është kandidatja zyrtare e Federatës së Xhudos së Kosovës për Komisionin e Atletëve të IJF (Federata Ndërkombëtare e Xhudos) në JudoWorlds që do të mbahet në Budapest. Le ta mbështesim Norën në këtë hap të rëndësishëm drejt formësimit të së ardhmes së xhudos për sportistët anembanë botës”, thuhet në njoftimin e Federatës së Xhudos së Kosovës.
