Mjeku anestezist-reaminator në shërbimin onkologjik të Qendrës Spitalore Universitare “Nënë Tereza”, Dr. Fatmir Prifti është ndarë nga jeta.
Lajmi është konfirmuar nga Ministrja e Shëndetësisë, Albana Koçiu, e cila shprehet se mjeku Prifti ka dhënë një kontribut të çmuar prej 37 vitesh në shërbim të pacientëve dhe sitemit shëndetësor shqiptar.
“Me trishtim të madh mora lajmin për ndarjen nga jeta të Dr. Fatmir Priftit, mjek anestezist-reanimator në shërbimin onkologjik, me një kontribut të çmuar prej 37 vitesh në QSUT. Një profesionist i përkushtuar dhe i respektuar, që do të mbetet gjithmonë në kujtesën tonë për humanizmin dhe përkushtimin e tij.
Ngushëllime Rubenës, familjes, të afërmve dhe kolegëve”, shkruan ministrja Koçiu.
