Pas bastisjeve të autoriteteve federale të emigracionit në lagje me popullsi latino-amerikane në Los Angeles, protesta kanë përfshirë qytete të mëdha në SHBA. Presidenti Donald Trump urdhëroi dislokimin e mijëra trupave dhe marinsave në Los Angeles, veprim që shkaktoi përplasje me zyrtarë vendorë dhe shtetërorë.
Demonstratat nisën pas arrestimeve masive të emigrantëve pa dokumente dhe janë zhvilluar në qytete si Austin, Dallas, New York, San Francisco, Philadelphia, Atlanta, Chicago dhe Ëashington D.C. Disa protesta u shoqëruan me përplasje me policinë, përdorim të gazit lotsjellës dhe arrestime të dhjetëra personave.
Guvernatori i Teksasit, Greg Abbott, dislokoi Gardën Kombëtare në San Antonio për të mbajtur rendin, duke theksuar se protesta paqësore janë të ligjshme, por dhuna dhe dëmtimi i pronës do të ndëshkohen.
