Në fshatin Luz i Vogël, Kavajë, policia ka arrestuar në flagrancë një 36-vjeçar me iniciale G.G., i cili dyshohet se tentoi të vidhnte sende personale nga një automjet i parkuar pranë një karburanti. Sipas policisë, G.G. po drejtonte automjetin në pronësi të S.B., i cili është shpallur në kërkim dhe dyshohet të jetë bashkëpunëtor në këtë rast.
Ngjarja ndodhi mbrëmjen e djeshme, ndërsa hetimet vijojnë për kapjen e personit të shpallur në kërkim. Materialet procedurale iu referuan Prokurorisë së Durrësit për veprime të mëtejshme lidhur me veprat penale “Vjedhja”, në tentativë, dhe “Drejtimi i automjetit në mënyrë të parregullt”.
