Presidenti amerikan, Donald Trump i është rikthyer kritikave të ashpra Guvernatorit të Kalifornisë, Gavin Newsom. Trump e akuzon atë për dështimin në mbrojtjen e zbatimit të ligjit dhe qytetarëve nga dhuna nga grupet e protestuesve dhe nxitësve.
“Guvernatori i paaftë i Kalifornisë dështoi të ofronte mbrojtje në kohë kur punonjësit tanë u sulmuan”, shkroi presidenti, duke përfunduar me sloganin e tij të njohur: “Ta bëjmë Amerikën të madhe përsëri”.
Trump në Twitter mbrojti vendimin e tij për të dërguar forca ushtarake në Los Angeles, duke argumentuar se pa ndërhyrjen e tyre, qyteti do të ishte përfshirë nga flakët.
“Nëse ushtarët tanë nuk do të kishin ndërhyrë në Los Angeles, tani qyteti do të ishte djegur deri në themel, ashtu siç janë djegur shumë shtëpi të tyre”, tha ai.
Më pas Trump shtoi se banorët janë “shumë me fat” që ai mori vendimin për të dërguar ndihmë.
