Në konferencën e drejtorëve të përgjithshëm të doganave të Ballkanit Perëndimor, e mbajtur këtë të enjte, zëvendëskryeministrja Belinda Balluku theksoi se Shqipëria synon mbylljen e negociatave me BE-në brenda vitit 2027, duke e cilësuar këtë një objektiv ambicioz.
Balluku u ndal te rëndësia e masave konkrete për të lehtësuar tregtinë dhe përmendi progresin që vendi ka bërë në digjitalizim dhe përdorimin e inteligjencës artificiale në dogana. Ajo i ftoi të pranishmit të vizitojnë Tiranën, duke e përshkruar si një “galeri të gjallë të arkitekturës botërore”.
