Loran Dusha, 42-vjeçari i shpallur në kërkim ndërkombëtar për “korrupsion aktiv” dhe “pastrim parash” në bashkëpunim, është arrestuar në Zimbabve të Afrikës Jugore. Ai ka qenë në kërkim që prej vitit 2022, kur Gjykata e Posaçme kundër Korrupsionit dhe Krimit të Organizuar i caktoi masën e sigurisë “arrest në burg”.
Hetimet zbuluan se Dusha, në rolin e administratorit të një kompanie private, kishte përfituar në mënyrë të paligjshme fonde publike përmes faturave dhe pagesave fiktive për shërbime dhe punë të pakryera.
Pas arrestimit dhe ekstradimit në Shqipëri, Dusha iu dorëzua Drejtorisë së Përgjithshme të Burgjeve.
