Ministri i Jashtëm i Iranit, Abbas Araqchi, i tha shefes së politikës së jashtme të BE-së, Kaja Kallas, se bisedimet bërthamore me SHBA-të janë “të pajustifikueshme” për shkak të situatës së tensionuar dhe “egërsisë” së Izraelit. Irani ka fajësuar SHBA-të për sulmet izraelite ndaj objektivave bërthamore iraniane.
Ndërkohë, Presidenti amerikan Donald Trump i ka bërë thirrje Iranit të pranojë marrëveshjen bërthamore, megjithëse tensionet në rajon vazhdojnë.
Deri tani janë zhvilluar pesë raunde bisedimesh të ndërmjetësuara nga Omani, por mosmarrëveshjet kryesore lidhen me pasurimin e uraniumit nga Irani.
Marrëveshja bërthamore e vitit 2015, nga e cila SHBA-të u tërhoqën në 2018, synonte kufizimin e programit bërthamor të Iranit në këmbim të heqjes së sanksioneve. Që nga ajo kohë, Irani ka shkelur disa nga angazhimet e saj, duke theksuar se programi i tij është vetëm civil.
Agjencia Ndërkombëtare e Energjisë Atomike njoftoi së fundmi se Irani ka shkelur për herë të parë në 20 vjet detyrimet për mospërhapje.
Izraeli nga ana e tij thotë se operacionet e tij ushtarake synojnë impiantet bërthamore dhe vende të tjera ushtarake iraniane.
