Një automjet që kryente manovra të rrezikshme në zonën e rërës, duke rrezikuar sigurinë e pushuesve në plazhin e Velipojës, është bllokuar nga policia.
Policia e Shtetit, në bashkëpunim me Policinë Bashkiake, ndërhyri për ndalimin e mjetit dhe vendosjen e masave administrative ndaj drejtuesit.
Autoritetet njoftojnë se nuk do të tolerohet asnjë veprim që cenon rendin, sigurinë dhe qetësinë publike, veçanërisht gjatë sezonit turistik. Strukturat e rendit mbeten të angazhuara për të garantuar një ambient të sigurt për pushuesit në të gjitha zonat bregdetare.
