Qytetarët e Tiranës do të përballen sërish me kufizime në qarkullim ditën e hënë, më 16 qershor 2025, për shkak të zhvillimit të samitit të Procesit të Bashkëpunimit në Evropën Juglindore (SEECP), i cili do të mbahet në kryeqytet nën organizimin e Presidentit të Republikës, Bajram Begaj.
Policia e Tiranës ka njoftuar se, në kuadër të masave të sigurisë dhe për të garantuar lëvizjen e delegacioneve të huaja, do të ketë bllokime dhe ndalim të përkohshëm të qarkullimit, parkimit dhe lëvizjes së këmbësorëve në disa akse kryesore të qytetit.
