Deputetja e Partisë Demokratike, Jorida Tabaku, ka kritikuar ashpër mungesën e debatit në Kuvend për çështje kyçe që lidhen me procesin e integrimit europian. Gjatë fjalës së saj në seancën plenare, Tabaku theksoi se anëtarët e maxhorancës shpesh herë mungojnë në Komisionin e Çështjeve Europiane kur duhet të miratohen ligje të rëndësishme. Ajo shtoi gjithashtu se mbi 60 iniciativa të PD-së janë ende të papërfshira në rendin e ditës.
Tabaku u shpreh se “nuk ka integrim europian pa diskutuar zgjedhjet dhe raportet në Parlamentin Europian”, duke theksuar se mungesa e vullnetit politik është pengesa kryesore për çuarjen përpara të reformave të nevojshme. Ajo e akuzoi maxhorancën për të mos pasur vullnetin e duhur për të trajtuar çështjet kyçe, duke theksuar se “nuk ka integrim europian, pa diskutuar zgjedhjet dhe diskutimet në PE.”
