Tensionet mes Iranit dhe Izraelit u përshkallëzuan ndjeshëm këtë të hënë, pas një vale të re sulmesh raketore iraniane ndaj territorit izraelit. Sulmet goditën një rafineri nafte dhe pjesë të rrjetit elektrik, duke shkaktuar të paktën katër viktima dhe 74 të plagosur, kryesisht në Tel Aviv dhe Haifa.
Ky reagim erdhi pas sulmeve ajrore izraelite ndaj bazave iraniane, ku u vra edhe shefi i inteligjencës së Forcave të Armatosura të Iranit. Ministria e Shëndetësisë iraniane raportoi mbi 224 viktima nga sulmet izraelite që nga fillimi i përleshjeve, me shumicën dërrmuese civilë.
Situata mbetet e tensionuar dhe ndërkombëtarët kërkojnë qetësim urgjent.
