Çekia dhe Polonia kanë evakuar qytetarët nga Izraeli. Ministrja çeke e Mbrojtjes, Jana Cernochova deklaroi se një aeroplan i qeverisë ka shkuar në Pragë duke transportuar 66 persona që ishin evakuuar nga Izraeli.
Shumica e tyre ishin çekë dhe ishin shoqëruar nga disa të afërm të kombësive të tjera.
Gjithashtu edhe Polonia po organizon fluturime për qytetarët e saj, pasi Ministri i Jashtëm Radoslaw Sikorski tha dje se më shumë se 300 qytetarë polakë kishin kërkuar evakuim nga Izraeli.
Një aeroplan çarter është organizuar për t’u ngritur nga Sharm el-Sheikh në Egjipt të mërkurën në agim, tha zëvendësministrja e Jashtme Henryka Moscicka-Dendys, ndërsa një aeroplan i dytë ushtarak do të ngrihet nga Amman në Jordani të enjten.
