Kampionët e Shqipërisë, Egnatia, kanë mësuar kundërshtarin e tyre në turin e parë kualifikues të Ligës së Kampioneve.
Shorti i hedhur ditën e sotme ka vendosur që skuadra nga Rrogozhina të përballet me ekipin islandez Breidablik. Ndeshja e parë do të luhet në Shqipëri, ndërsa sfida e kthimit do të zhvillohet në Islandë.
Ky është një test i rëndësishëm për Egnatian, që këtë vit debuton në arenën më të madhe evropiane për klube, pas një sezoni historik ku siguroi titullin kampion për herë të parë në histori.
Data dhe orari i saktë i takimeve do të bëhen të ditura në ditët në vijim nga UEFA.
