Shefja e politikës së jashtme të Bashkimit Evropian, Kaja Kallas ka bërë thirrje urgjente për uljen e tensioneve në Lindjen e Mesme. Kallas tha se kanë rënë dakord për deeskalim dhe se Irani nuk duhet që të zhvillojë një bombë bërthamore.
“Ne të gjithë ramë dakord për nevojën urgjente për deeskalim, Irani nuk mund të ketë një bombë bërthamore dhe diplomacia është zgjidhja për ta parandaluar këtë dhe BE-ja do të luajë rolin e saj”, tha ajo.
Më pas Kallas shtoi se “Nuk mund të jemi tolerues, kur Irani përshpejton programin e tij bërthamor.”
